如果你是第一次到訪,或並未追看所有文章,可從這裏開始認識我及2020年之前的一些舊精選文章。
由2020年6月開始,新文章會先在 https://www.patreon.com/laxinvest 發表,此網誌只轉載部份文章,敬請留意。

2017年11月30日 星期四

樂理成績

  五級樂理成績出來了,女兒竟然不及格!她真的不及格!!她怎麼可以不及格!!!
  我自己也考得不大好,只有75分,但女兒呢?她……竟……然…….只…….有……59……分!
  細看她的得分細表,更是氣得我差點噴血:最容易的第二題(Melodic Intervals)與第三題(Transposing),她竟然…..竟然幾乎全軍盡墨!考過樂理的人都知道,這兩題只要小心一點,拿到滿分一點也不難,女兒也一定不會不懂得做的。
  這次考卷確實有一些暗位,一不小心就中招。我提醒過她幾百次,一定要小心審閱題目,做完要覆卷,結果呢?她考試時還是大咧咧地一做完就大安旨意舉手交卷!兩題中,只要有一題……只要有其中一題她小心一點點,又怎會不及格?!
  今天女兒一放學回家,我就把她罵哭了。但如果內子還在,只怕罵得比我兇三倍以上!
  氣死我了。  

33 則留言:

  1. 小朋友粗枝大葉,好正常,但如果大個咗都仲係咁就大鑊,好似我丫妹咁,好大頭蝦,對好多嘢既意識都好薄弱。

    有啲人真係咁奇怪,無論提醒幾多次,都係建立唔到意識,重覆犯錯。

    對呢類人,我通常會叫佢做卷之前,一定要先寫低提醒自己既字句,然後每做一PART前都要檢查同考慮提示字句既內容,然後先動筆,咁樣就一定可以提升到意識。

    回覆刪除
    回覆
    1. 唔小心搶到沙發~開心haha

      刪除
    2. 唉,希望佢大個會好啲啦。
      呢篇臨時短文無人同你搶沙發的,哈哈。

      刪除
  2. 風兄,我自小也是恃住自己係「學霸」,「天資聰穎」(成績表上的評語),很多時太過自信滿滿,考試經常粗心大意,沒看清楚就答題(尤其是MC),「失手」(其實這不是「失手」,而係咎尤自取)後懊悔不當初,仲會「撼頭埋牆」(真係「墥牆記」)來懲罰自己。老媽看在眼內,卻由得我撼,直至撼出一個瘤來才給我塗藥油。

    老媽的理論是,錯是我自找丟,就由得我自己承擔,下次不再犯就好。當然,小孩子心性,這種「懶叻」是要時間改變的,今天額頭的腫消了,明天就會忘記了教訓,再明知故犯。

    也就是說今天我的 attention to details 其實就是撼了好幾十次頭埋牆得出來的。

    小孩子有時係「話唔聽」嘅,可能要經十事才能長一智,下次再努力便可以了。

    回覆刪除
    回覆
    1. 原來魔術兄的attention to details神功是這樣練成的XD

      等我又瘋狂撼頭先

      刪除
    2. 魔兄,首先要知錯才會撞牆,才有機會日後Attention to details。
      最弊佢完全無勝敗之心,唔合格咪算囉咁嘅心態。俾我鬧完,轉頭又捧住平板去玩,完全無放在心上,睇見就心裏有氣。

      刪除
    3. 回想我當時係因為我care我的成績,我是有付出過,但因為托大而失分,所以感到後悔.

      如果凝凝是 don't care 樂理成績的,可能她只是志不在此而已, 會不會看看有沒有他方面的興趣可以培養?

      刪除
    4. 她的興趣是做米蟲族,食、玩同瞓啊,唉。

      刪除
  3. 沒關係啦,不合格也是經歷吧。

    她自己怎麼說呢?
    T

    回覆刪除
    回覆
    1. 佢根本都無放在心上,衰咗就算,只係驚我鬧啫,唉。

      刪除
  4. 小朋友係咁, 慢慢來, 之前我罵個女罵得太過火, 而家佢唔喜歡我接佢返學放學....

    回覆刪除
    回覆
    1. 哈,我個女又唔係咁...記得以前內子成日都鬧個女,鬧鬧下個女竟然慣咗,當無嘢。我比較少鬧佢,所以鬧佢佢都會驚...一陣咁大把。

      刪除
  5. 風兄,唔好嬲,有我陪你。我家中也有一個女兒亦是愈提佢愈唔合作。話完佢轉頭又係當無事發生。大家一齊努力吧!

    回覆刪除
    回覆
    1. 係呀,做父母真係好難,我以前成日叫內子對佢要有耐性慢慢教,原來真係好難。

      刪除
  6. 風兄竟然及格...好厲害!! (岩岩google話66分及格)
    有個補習名師的父親係旁邊緊張佢, 我諗你女兒開始會感動壓力~
    不過有時真係唔迫無動力架...(過來人)
    加油~

    回覆刪除
    回覆
    1. 我都有上堂架,合格係應該,哈哈。
      係呀,我真係緊張過佢,小朋友唔逼無動力。

      刪除
  7. 勁啊...風中兄高分過我XDDD

    我冇小朋友, 不知怎教, 或者要搵辦法訓練下她的鬥心吧。

    回覆刪除
    回覆
    1. 我起碼都叫上過工聯會課程,雖然係教得差,但我記得Rx10兄講過你個樂理老師直情係唔教嘢,靠自己自修考試合格,咁你勁過我好多,哈哈!

      刪除
  8. 哈哈, 我係試場上係好小心0既人, 真係聖鬥士星矢般
    "同一招係對付唔到我兩次"

    不過人大了, 求求其其反而係生活智慧. 唔明就一路都唔會明, 尤其兩性相處.

    不過, 小朋友要讀書考試, 當然要小心去做, 唔好比份卷陰到你啦

    回覆刪除
    回覆
    1. 應該小心就小心,應該求其就求其,70兄咁先係大智慧。

      刪除
  9. 風兄,我之前是做老師的,教過不同組別的學校,見你情況,容我講少少我的觀察,鬥心同名心係天生的,當然父母迫,佢會因為珍惜父母情而表現得上進,但事實上有些小朋友先天就迫到,有些先天就迫唔到,無論你用咩方法。順水而行會好一點。

    如果細佬仔考一次唔合格,又覺得佢不太上心,可以買一套黃浩義的樂理練習比佢,當中會大量操練題型,用兩個月每日一個鐘花點時間叫佢做兩題同佢對埋佢,用日煩夜煩策略,合格應該十拿九穩,若果佢做做下唔記得,要有耐性,罵其實幫者不大,所以身體力行定下一點規矩,兩父女一起行動實踐,還可以提升關係。

    回覆刪除
    回覆
    1. 多謝拖羅兄的建議。
      小女應屬於天生無乜鬥心,但可以迫到、仲要迫先會上進嗰一類。不過來緊要過台灣,一切要暫停,短期之內唔會再考住囉。

      刪除
  10. 池某有件化骨龍都係咁,挑戰題、附加題都難佢唔到,但次次考試那些搬字過紙的題目總是頻密出錯,多數係抄都抄錯。:(
    家長同小朋友做同一樣嘢未必係好事,佢地會認為做得不如大人係天經地義的,故不上心;反而扮唔識去請教佢地,佢地會變得有自信好多,組織表達的過程亦會更attention to details。

    回覆刪除
    回覆
    1. 十分好! 按你的描述,你的孩子應是十分聰明,而且愛表現才華和別人的讚賞的一類。對這類孩子打罵也是無效的,你也掌握了一個好方法,就是請教他,讓他發揮。

      刪除
    2. 小女無池兄孩子咁聰明與愛表現才華,她天生傭懶,不喜歡挑戰,為人得過且過。勝在還算讀書的料子,從未補習過,靠父母催迫都可以迫到好成績。
      扮唔識去請教佢,佢不會變得自信,只會覺得煩,哈哈。

      刪除
  11. 風兄快些原諒囡囡吧!孩子有時調皮/粗心一些,總比100%守規矩更好吧。她年紀仍小,進步空間很大的👍

    回覆刪除
    回覆
    1. 作為父母沒有甚麼原諒不原諒的,話完佢就算啦,希望佢以後改下,都無乜可以做,哈哈。
      春花姐剛經歷傷心事,要保重喔。

      刪除
  12. 被罵會哭,還有救,放心。不過不要罵太狠了,哈。

    回覆刪除
    回覆
    1. 她不是為成績而哭呀,是因為被罵,哈哈。

      刪除
  13. 仲以為你去到台灣先收到成績表添 :p

    回覆刪除
    回覆
    1. 成績表快出,但證書要等兩個月,我考到個張證書就無乜用啦。

      刪除
    2. 唔好咁啦,咁你起碼證明到你都做到麻,你個千金下次會小心d架啦 :)

      刪除
  14. 我想教養子女就好像管理資產, 兩樣都是寶貴的產業. 都是需要知識和時間去好好管理. 大家一齊加油!

    回覆刪除

注意:只有此網誌的成員可以留言。