五級樂理成績出來了，女兒竟然不及格！她真的不及格！！她怎麼可以不及格！！！
我自己也考得不大好，只有75分，但女兒呢？她……竟……然…….只…….有……59……分！
細看她的得分細表，更是氣得我差點噴血：最容易的第二題（Melodic Intervals）與第三題（Transposing），她竟然…..竟然幾乎全軍盡墨！考過樂理的人都知道，這兩題只要小心一點，拿到滿分一點也不難，女兒也一定不會不懂得做的。
這次考卷確實有一些暗位，一不小心就中招。我提醒過她幾百次，一定要小心審閱題目，做完要覆卷，結果呢？她考試時還是大咧咧地一做完就大安旨意舉手交卷！兩題中，只要有一題……只要有其中一題她小心一點點，又怎會不及格？！
今天女兒一放學回家，我就把她罵哭了。但如果內子還在，只怕罵得比我兇三倍以上！
氣死我了。
小朋友粗枝大葉，好正常，但如果大個咗都仲係咁就大鑊，好似我丫妹咁，好大頭蝦，對好多嘢既意識都好薄弱。
回覆刪除有啲人真係咁奇怪，無論提醒幾多次，都係建立唔到意識，重覆犯錯。
對呢類人，我通常會叫佢做卷之前，一定要先寫低提醒自己既字句，然後每做一PART前都要檢查同考慮提示字句既內容，然後先動筆，咁樣就一定可以提升到意識。
唔小心搶到沙發～開心ｈａｈａ
刪除唉，希望佢大個會好啲啦。
刪除呢篇臨時短文無人同你搶沙發的，哈哈。
風兄，我自小也是恃住自己係「學霸」，「天資聰穎」（成績表上的評語），很多時太過自信滿滿，考試經常粗心大意，沒看清楚就答題（尤其是MC），「失手」（其實這不是「失手」，而係咎尤自取）後懊悔不當初，仲會「撼頭埋牆」（真係「墥牆記」）來懲罰自己。老媽看在眼內，卻由得我撼，直至撼出一個瘤來才給我塗藥油。
回覆刪除老媽的理論是，錯是我自找丟，就由得我自己承擔，下次不再犯就好。當然，小孩子心性，這種「懶叻」是要時間改變的，今天額頭的腫消了，明天就會忘記了教訓，再明知故犯。
也就是說今天我的 attention to details 其實就是撼了好幾十次頭埋牆得出來的。
小孩子有時係「話唔聽」嘅，可能要經十事才能長一智，下次再努力便可以了。
原來魔術兄的attention to details神功是這樣練成的XD
刪除等我又瘋狂撼頭先
魔兄，首先要知錯才會撞牆，才有機會日後Attention to details。
刪除最弊佢完全無勝敗之心，唔合格咪算囉咁嘅心態。俾我鬧完，轉頭又捧住平板去玩，完全無放在心上，睇見就心裏有氣。
回想我當時係因為我care我的成績,我是有付出過,但因為托大而失分,所以感到後悔.
刪除如果凝凝是 don't care 樂理成績的,可能她只是志不在此而已, 會不會看看有沒有他方面的興趣可以培養？
她的興趣是做米蟲族，食、玩同瞓啊，唉。
刪除沒關係啦，不合格也是經歷吧。
回覆刪除她自己怎麼說呢？
T
佢根本都無放在心上，衰咗就算，只係驚我鬧啫，唉。
刪除小朋友係咁, 慢慢來, 之前我罵個女罵得太過火, 而家佢唔喜歡我接佢返學放學....
回覆刪除哈，我個女又唔係咁...記得以前內子成日都鬧個女，鬧鬧下個女竟然慣咗，當無嘢。我比較少鬧佢，所以鬧佢佢都會驚...一陣咁大把。
刪除風兄，唔好嬲，有我陪你。我家中也有一個女兒亦是愈提佢愈唔合作。話完佢轉頭又係當無事發生。大家一齊努力吧！
回覆刪除係呀，做父母真係好難，我以前成日叫內子對佢要有耐性慢慢教，原來真係好難。
刪除風兄竟然及格...好厲害!! (岩岩google話66分及格)
回覆刪除有個補習名師的父親係旁邊緊張佢, 我諗你女兒開始會感動壓力~
不過有時真係唔迫無動力架...(過來人)
加油~
我都有上堂架，合格係應該，哈哈。
刪除係呀，我真係緊張過佢，小朋友唔逼無動力。
勁啊...風中兄高分過我XDDD
回覆刪除我冇小朋友, 不知怎教, 或者要搵辦法訓練下她的鬥心吧。
我起碼都叫上過工聯會課程，雖然係教得差，但我記得Rx10兄講過你個樂理老師直情係唔教嘢，靠自己自修考試合格，咁你勁過我好多，哈哈！
刪除哈哈, 我係試場上係好小心0既人, 真係聖鬥士星矢般
回覆刪除"同一招係對付唔到我兩次"
不過人大了, 求求其其反而係生活智慧. 唔明就一路都唔會明, 尤其兩性相處.
不過, 小朋友要讀書考試, 當然要小心去做, 唔好比份卷陰到你啦
應該小心就小心，應該求其就求其，70兄咁先係大智慧。
刪除風兄，我之前是做老師的，教過不同組別的學校，見你情況，容我講少少我的觀察，鬥心同名心係天生的，當然父母迫，佢會因為珍惜父母情而表現得上進，但事實上有些小朋友先天就迫到，有些先天就迫唔到，無論你用咩方法。順水而行會好一點。
回覆刪除如果細佬仔考一次唔合格，又覺得佢不太上心，可以買一套黃浩義的樂理練習比佢，當中會大量操練題型，用兩個月每日一個鐘花點時間叫佢做兩題同佢對埋佢，用日煩夜煩策略，合格應該十拿九穩，若果佢做做下唔記得，要有耐性，罵其實幫者不大，所以身體力行定下一點規矩，兩父女一起行動實踐，還可以提升關係。
多謝拖羅兄的建議。
刪除小女應屬於天生無乜鬥心，但可以迫到、仲要迫先會上進嗰一類。不過來緊要過台灣，一切要暫停，短期之內唔會再考住囉。
池某有件化骨龍都係咁，挑戰題、附加題都難佢唔到，但次次考試那些搬字過紙的題目總是頻密出錯，多數係抄都抄錯。：（
回覆刪除家長同小朋友做同一樣嘢未必係好事，佢地會認為做得不如大人係天經地義的，故不上心；反而扮唔識去請教佢地，佢地會變得有自信好多，組織表達的過程亦會更attention to details。
十分好! 按你的描述，你的孩子應是十分聰明，而且愛表現才華和別人的讚賞的一類。對這類孩子打罵也是無效的，你也掌握了一個好方法，就是請教他，讓他發揮。
刪除小女無池兄孩子咁聰明與愛表現才華，她天生傭懶，不喜歡挑戰，為人得過且過。勝在還算讀書的料子，從未補習過，靠父母催迫都可以迫到好成績。
刪除扮唔識去請教佢，佢不會變得自信，只會覺得煩，哈哈。
風兄快些原諒囡囡吧！孩子有時調皮/粗心一些，總比100%守規矩更好吧。她年紀仍小，進步空間很大的👍
回覆刪除作為父母沒有甚麼原諒不原諒的，話完佢就算啦，希望佢以後改下，都無乜可以做，哈哈。
刪除春花姐剛經歷傷心事，要保重喔。
被罵會哭，還有救，放心。不過不要罵太狠了，哈。
回覆刪除她不是為成績而哭呀，是因為被罵，哈哈。
刪除仲以為你去到台灣先收到成績表添 :p
回覆刪除成績表快出，但證書要等兩個月，我考到個張證書就無乜用啦。
刪除唔好咁啦，咁你起碼證明到你都做到麻，你個千金下次會小心d架啦 :)
刪除我想教養子女就好像管理資產, 兩樣都是寶貴的產業. 都是需要知識和時間去好好管理. 大家一齊加油!
回覆刪除